सौ. रेखा चित्रे

Crochet knighting & other art-work by Mrs. Rekha Chitre







Wednesday 12 October 2011

२.माझी हरहुन्नरी आई !


सौ. रेखा सुरेश चित्रे, पूर्वाश्रमीची पद्मा दत्तात्रय प्रधान. वय ७७. दोन्ही डोळ्यांची मोतीबिंदूची ऑपरेशन १९८५च्या आसपास झाली. अन तेव्हापासून दोन्ही डोळ्यांना + १० नंबर आहे. डोळ्यांची ऑपरेशन्स झाल्या नंतर तिचे वाचन हळूहळू कमी होत गेले. वाचायला त्रास होतो म्हणून तिने मग आपला एक जुना छंद पुन्हा नव्याने सुरू केला.
तसे तर आम्ही मुली ( ४ बहिणी ) लहान असताना आमचे सर्व कपडे तीच शिवत असे. अगदी त्यावेळच्या फॅशनप्रमाणे दि ट्रेन या चित्रपटातील फ्रॉक्स पासून शरारा पर्यंत, अन माझ्या बहिणीच्या कथ्थक आणि भरतनाट्यमच्या ड्रेस पर्यंत सर्व ड्रेस ती स्वतः शिवत होतीच. 
अन कुटुंबातील जवळ्जवळ १०० - १२५ लोकांचे स्वेटर्स तिने हाताने विणले होतेच. बाहेरच्या ऑर्डर्स घेउन मशीनवरही अनेक स्वेटर्स तिने विणले. 
भरतकामाचे अनेक प्रकार, अगदी साड्याही तिने भरल्या. टॅटिंगच्या लेसेस, अगदी साड्यांच्याही तिने तयार केल्या.
पण आता डोळ्याच्या ऑपरेशन नंतर तिने क्रोशाने दोर्‍याची बेडशीटस विणायचा नवा उद्योग सुरू केला. खरे तर हे अगदी बारिक काम. पण तिची चिकाटी इतकी की आता तर आम्ही म्हणतो, आई झोपेतही हे काम करू शकेल. 
१९९० पासून आजपर्यंत तिने ३२ डबलबेडची बेडशीट्स विणली आहेत, ( आज २०१५ मधे हा आकडा ५० पार करून  सध्या तिचे ५२ वे डबल बेडशीट सुरू आहे.), २५ सिंगल बेडशीट्स विणली, १० टेबलक्लॉथ विणले, २ फूटांचे गोल रुमालांची तर गणतीच नाही. कुशन कव्हर्स आणि सोफा बॅग्सची ही गणतीच नाही. मुख्य म्हणजे या सर्व कलाकृतींची डिझाईन्स तिची तीच बसवते. त्याचे करावे लागणारे प्रचंड हिशोब तिच्या मनात पक्के असतात.
याच विणकामाच्या नमुन्यांचे काही फोटो इथे टाकते आहे.
आणि हे सर्व चालू असताना टि. व्ही वरच्या सर्व मराठी सिरियल्स पाहणे अन जोडीने सुडोकू सोडवणे चालू असते. अन ही सुडोकुही साधी नाहीत. नेहमीची सुडोकु १ ते ९ आकड्यांची असतात; ती १ ते १२, १ ते १६, १ ते २५ अशी सुडोकू भराभर सोडवत असते. स्वेटर्स करणे हे चालूच असते.
तिच्यावर एक सी. डी. ही मी तयार केली आहे, मराठी चॅनल्सकडे ती पाठवली होती, परंतु ओळखी नसल्याने त्याचा पाठपुरावा मला घेता आला नाही. येथे कोणाला तिचे काम आवडले तर कृपया मला मदत कराल ? केवळ तिचे हे प्रचंड काम लोकांपुढे यावे हाच दृष्टिकोन आहे. त्यात व्यावसाईक हितसंबंध नाहीत, ना तिचे, ना माझे. 
असो.
आता तिच्या कामाचे काही फोटो-
हा गणपती विणलेला दाराचा पडदा
A1.jpg
ही काही डबलबेडशीट्स
A2.jpg
A3.jpg
A4.jpg
A5.jpg
A7.jpg
हा ५ फुटी टेबलासाठीचा गोल रुमाल
A6.jpg
A10.jpg
अन हा ६ बाय ४ फुटी टेबलासाठीचा टेबलक्लॉथ
A11.jpg
माझ्या मुलाला गाड्या अन वाहनांचे फार वेड. म्हणून त्याच्या या आजीने त्याच्या खोलीच्या खिडकीला हा पडदा विणला
A8.jpg
अन हा दाराचा पडदा. कमानी खाली नाचणारे मोर
A9.jpg
अन ही माझी आई स्मित
A12.jpg

3 comments:

  1. अगं ताई, या पोस्टवर फार पूर्वी मी एक कमेंट दिली होती, बहुधा नीट पोस्टली गेली नसेल.
    मला आवडेल तुझ्या आईंकडून शिकायला. त्यांचे विणकामाचे अनुभव ऐकायला.

    ReplyDelete
  2. ह्या लेखातील पहिले पाच आणि सहावा फोटो दिसत नाही आहेत. चित्रे डबल क्लिकने मोठीही होत नाही आहेत.

    अर्थात जे दिसत आहेत त्यावरून तुमच्या आईंच्या अपूर्व कामाची पुरेशी कल्पना येते आहे. त्यांचे क्रोशाकाम विलोभनीय आणि अद्‌भूत आहे. एवढ्या सृजनानंतर इतरांना कौतुक असो वा नसो, कर्त्यालाच कृतकृत्य झाल्याचे समाधान आपोआपच मिळणार आहे. शिवाय तुम्ही स्वतः जो वारसा चालवत आहात तेच तर त्या सृजनाचे संचित आहे. ही कला चिरायू होवो.

    माझी आज्जी जानकी गोडबोले, पुणे, हीही अशाच प्रकारचे स्वेटर, पांघरुणे वगैरे शिवण्यात निष्णात होती. मात्र त्याकाळी अशा कामांच्या नोंदी ठेवण्याची प्रथाही नव्हती आणि साधनेही. आज तुम्ही अत्यंत निगुतीने सर्वांची नोंद करत आहात हेच खरे तर सुदैव म्हणायचे!

    आईंना माझा सादर प्रणाम. त्यांच्या कलेलाही अर्थातच!

    ReplyDelete
  3. seen your all pics. very nice. considering your todays age its superb. hats off to you.

    ReplyDelete